Nagsarita ti Malakanyang iti pammabasol ni dati a President Rodrigo Duterte a tinakaw ken inlako ti pamilia Marcos ti gold reserve iti pagilian.
Segun ken ni Presidential Communications Office Undersecretary ken Palace Press Officer Atty. Claire Castro, ti Bangko Sentral ng Pilipinas laeng iti mangidadaulo ti gross international reserves iti pagilian pakairamanan dagiti balitok tapno mapagtalinaed ti kinatibker iti gatad ti piso, ken iti kaano man ket saan a bibiangan ti presidente.
Kinunana a ngimmato ti GIR iti pagilianb idi 2024 ta umabot iti nasurok 106-billion dollars nu yarig iti 103 billion dollars idi 2023.
Normal pay iti BSP nga agilako iti reserba iti balitok tapno makatulong iti panangbiag ti ekonomia iti pagilian ken saan a mabalin nga agiggem iti adu unay a balitok isu a nu adda gundaway ket rumbeng nga ilako iti nalaklaka a presyo.
Inkwestyon ni Castro ken ni Duterte nu awan ti mangbalbalakad kenkuana nu apay a saanna nga ammo ti regular nga aktibidad ti BSP ta nagbalin met idi a presidente iti pagilian.
Kinaritna ti dati a presidente a kas abogado ket paneknekanna dagiti pammabasol ta kanayon a kurang ken saan a detalyado.
