Pinaglibakan ni Department of Health (DOH) Secretary Jose “Brix” Pujalte Jr. ti alegasyon a mapapati nga agtamtambay kadagiti casino tapno agsugal.
Segun ti DOH, nainget a paglibakan ni Pujalte ti agwarwaras a surat a mangak-akusar kenkuana iti panagsugal iti casino ken mapapati a naireport ti reklamo iti Presidential Complaint Center idiay Malakanyang.
Inlawlawag ni Pujalte nga idi July 20, dimmar-ay laeng isuna iti maysa nga opisyal a taripnong kadua dagiti opisyal manipod Masbate ken Sorsogon iti maysa a hotel.
Kinuna ti ahensia a ti nagpatangan laeng ti nasao a taripnong ket ti panagted ti tulong kadagiti pampubliko nga ospital iti dua a probinsia.
Maipalagip a dinutokan ni Pres. Ferdinand Marcos Jr. ni Pujalte kas baro a secretary iti DOH idi July 13 kalpasan a nagikkat iti serbisio ni dati a Health Secretary Dr. Teodoro Herbosa.
