VIGAN CITY – Maladingitan ti pamiya iti maysa a suldado ti Philippine Air Force a pimmusay gapo iti napasamak a pammaltog idi kalman iti uneg ti Philippine Military Academy idiay Baguio City.
Ti pannaki-uman ti Bombo Radyo Vigan kenni Gian Lloyd Turqueza, anak ti biktima a ni SSgt. Geoffrey Turqueza ken agnaed ti Brgy. Anonang Mayor, Caoayan, nakigtot da idin madamag a pimmusay iti ama na gapo iti nasao a pammaltog.
Naudina a nakasarita iti ama na idi napan a lawas ken manmanu lang nga agawid daytoy ta adda laeng iti maysa a lawas a bakasyon na manipod iti trabaho.
Ti agdama manarimaanen iti panangasikaso dagiti pannakabagiti linteg dagiti kasapolan a dokumento ti asawa ni Turqueza a mapan idiay Baguio City tapno alaen ti bagi iti asawana a pimmusay.
