VIGAN CITY – Kumbinsido ti pamilya ni Jose Empleo nga agtawen iti pito pulo ket pito, naasawaan, maysa a negosyante ken dati a market master iti ili a San Ildefonso nga aksidente a napaltugan na ti barukong na idi June 22 kabayatan iti panangdalus na iti paltog na a poon iti nakatayan na.
Segun ken ni Police Executive Master Sergeant Reynaldo Recaido, officer—in-charge ti San Ildefonso municipal police station, saanen nga ipa-autopsy ti pamilya iti bangkay ti biktima ta kumbinsido da nga awan iti foul play ti napasamak.
Idi napan nagresponde dagiti otoridad iti report a naawat da babaen iti maysa a concerned citizen, nakita da ti biktima a nakatugaw ken nakadumog iti lamisaan nga adda iti tama iti paltog iti barukong na.
Naamuan met a lisensyado a gunholder ti biktima ken ti paltog na ket adda lisensya na ta segun ken ti putot na a ni Edgar Empleo, agsapsapul ti biktima iti manggatang kuma iti paltog na.
