--Ads--
VIGAN CITY – Maladingitan ti pamilya Tacazon iti napasamak a pannakauram ti pagtaenganda idi kalman idiay Brgy. Napo, Magsingal.
Iti pannaki-uman ti Bombo Radyo Vigan kenni Domingo Tacazon nga akinkukua ti pagtaengan a nauram, rimmuarda idi kalman kabayatan nga maururam ti pagtaenganda ken saanda a ninamnama nga iti pagtaenganda gayamen iti maururam nga impakammu ti karrubada.
Mapatta-patta a gapo ti overloading ti saksakan ti pagtaenganda ti nagtaudan ti uram.
Nagkiddaw ni Tacazon kadagiti umili a matulungan ida tapno makabangon iti napasamak kadakuada a pannakauram ti pagtaengan ken sanikuada.
-- ADVERTISEMENT --
Basar ti report umabot ti sangagasut a ribo a pisos ti gatad ti nauram a pagtaengan ti pamilya Tacazon.
