--Ads--
VIGAN CITY- Nagpanovena iti pamilya Afroilan para iti kapamilya da a seaman a mapukpukaw manipud idi Mayo 29 a mapapati a natinnag manipud iti nagluganan na a barko kabayatan nga adda iti kabaybayan a sakup ti Caicos Island.
Segun kenni Marcelina Afroilan ,ina iti mapukpukaw a seaman a ni Edmar Afroilan ,40, taga San Julian Norte, Vigan City, rinugian da iti napan a lawas iti panagkararag ket namnamaen da a natalged iti kasasaad iti anak na.
-- ADVERTISEMENT --
Para kenni Marcelina, saan da maaw-awanan iti namnama a sibibiag pay laeng iti anak na agsipud ta awan iti agpadpadlaw kadakuada nga adda iti dakes a napasamak iti anak da.
Ni Edmar ket nakalugan iti M/V Vita Koulan idi mapapati a natinnag isuna iti kabaybayan.
