VIGAN CITY – Nakapagsasaritan dagiti pamilia dagiti dua a karaman iti aksidente idiay Guimod Sur, San Juan idi naminsan ket napagdesisyon ti pamilya dagiti natay a da Eric Vivit, agtawen ti uppat a pulo ket tallo nga agnaed idiay Brgy. Parada, Sto. Domingo a nagmaneho iti motorsiklo ken ti kinalubbonna a ni Julius Ventura a taga- Pangasinan ngem agnanaed idiay Barangay Parada, Sto. Domingo a saandan nga agidarum pay.
Napagtulagan a sag-innem a pulo ribo a pisos iti maited kadagiti kameng ti pamilya dagiti dua a biktima para iti pannakaitabon da.
Naiyawiden ti bangkay ni Ventura idiay Pangasinan ket naalan iti pamilya na ti innem a pulo a ribo a pisos a tulong para iti pannakaidulin iti bangkay na.
Kabayatanna, ti innem a pulo ribo a pisos met a para iti pamilya ni Vivit ket maud-udinto a maited.
