VIGAN CITY – Nagkiddaw ti tulong ti pamilya ni Jun Almazan a pimmusay iti napasamak nga aksidente idiay Brgy. Poblacion, Sta. Maria.
Iti pannaki-uman ti Bombo Radyo Vigan kenni Melita Almazan, ina ti biktima, awan iti aramatenda a kwarta a pangitabon ti anakda kasta met iti pagbayadda ti punerarya ta narigat iti adda a kasasaadda.
Kabayatanna saan a maaklon ni Jimmy Almazan, ama ni Jun a pimmusay gapo ti aksidente ti putotna a mapan kuma idi makiminatay ngem nakainom ti arak a nagmaneho.
Nakigtotda laengen idi adda madamagda nga adda ti naaksidente ket idi napanna kinita naammuanda nga iso ti putotna nga awanen ti biagna.
Maipalagip a pimmusay ti biktima ken nadundunor dagiti kadduana a da Juan Vitales ken Florentino Fagela a nagkakalubbon ti motorsiklo.
