VIGAN CITY – Hustisya ti kiddaw ti pamilia ti lalaki a natay ti pammaltog a napasamak idiay Sitio Loob, Barangay Bateria, San Esteban.
Iti pannaki-uman ti Bombo Radyo Vigan ken ni Marissa Reyes Vidal nga ina ti biktima a ni Jay-r Vidal, rumbeng laeng a madusa iti suspek ti pammapatay ta saludsod kenkuana iti napasamak ta awan ti ammona a nagbasolan ti anakna.
Segun ken ni Vidal, sinapulna ni Jay-r idi naggapu iti pasken ket nagsaludsod iti maysa a lalaki ket naibagana iti ayan ti biktima isu a tinurongna ngem nakigtot laengen idi nakitana a napaltogan isu a nagpaarayat ngem uray naipan iti Ilocos Sur District Hospital Narvacan ket saanen a nakalasat.
Nupay awan ti kinariri ni Jay-r ket adda napasamaken idi bulan ti Setyembre wenno Oktubre a pammaltog iti mismo nga abay ti kuarto ti biktima a gappuanan ti panangipakaammoda kadagiti otoridad.
VOICE OF MARISSA REYES VIDAL
Agtultuloy pay laeng iti panagkalap iti impormasyon dagiti otoridad kas kinuna ni PLt. Marlon Martinez iti San Esteban ta kasaritadanto pay dagiti mapapati a nakasango a naginom ti biktima iti ab-abangan a pagtaengan ni Edwin Vidal a kanakanna nga isu ti nakapasamakan ti insidente.
Kabayatanna, impasiguradona a masulbar iti nasao a kaso ngem iyurayda laeng iti resulta iti eksaminasyon a naisayangkat.
VOICE OF PLT. MARLON MARTINEZ
