--Ads--
VIGAN CITY – Saan a maaklon ti pamilia ni John Jasper Larioza a taga-Las-ud, Sta. Cruz iti pannakatayna kalpasan a naitapwak iti rangtay idiay Brgy. Coscosnong, Sta Cruz, Ilocos Sur.
Iti ekslusibo a pannakipat-patang ti Bombo Radyo Vigan kenni Racquel Raful nga ipag ti biktima, saanda namnamaen ti nabiit a biagna ti biktima ta inladawanna a nasingpet, nagaget, ken naulimek. Segun ken ni Raful saan a nagpakada ti biktima a pimmanaw iti pagtaenganda ket saanda ninamnama nga agturong iti rangtay nga adda bassit nainom na nga arak sakbay a napasamak ti insidente. Naamwan a nabayagen a saan a nagturong iti nasao a lugar ti biktima kalpasan ti panagduprak ti Bagyong Maring. Maipalagip nga idi rabii ti November 17, 2021 ket insigida ti pannakatay ni Larioza apaman a naitapwak iti rangtay gapu ti severe head injury a sinagabana.
