--Ads--
VIGAN CITY – Saanen a mangipila ti kaso ti pamilia ni John Mark Mendoza a natay kalpasan ti pannakaidungparna bayat ti panagmotorsiklona iti maysa a L300 van idiay Brgy. Casilagan, Sta. Cruz, Ilocos Sur idi kaaldawan ti paskua.
Iti pannaki-uman ti Bombo Radyo Vigan kenni Melandro Mendoza, ama ni John Mark, nakasaritadan ti driver ti L300 ket nagtulaganda nga isunan ti makaammo iti magastos iti purenarya ket nasimpadan ti nagbaetanda.
Maipalagip a naaksidente ni John Mark ta nakadinnungparna ti nasao a van ngem naideklarar a dead on arrival.
Kabayatanna, pinasingkedan ti pamilia ni John Mark a saanda a maawat iti pannakatayna kagiddan ti panagselebrar ti paskua.
-- ADVERTISEMENT --
