Desidido ti pamilia ni Ivan Cezar Ronquillo, agtawen iti duapulo ket uppat nga agipila ti reklamo a legal kalpasan ti panangkettel ti bukod a biag ti baro gapu iti napasaranna a physical abuse ken online bashing maipanggep ti pabasol a kinabilna ti kaayan-ayatna a ni freelance model a ni Gina Lima, agtawen iti duapulo ket tallo a natay idi November 16, 2025.
Segun ti pamilia ni Ivan, makitinnulongdan ken ni dati a Comelec Commissioner Atty. Rowena Guanzon a maysa kadagiti mangkukwestyon iti pannakatay ti modelo.
Kinunana a nakasagana a tumulong ni Guanzon a libre iti panangsapul ti hustisya para iti agsaruno a pannakatay da Ivan ken Gina.
Plano ti pamilia nga agipila iti kaso kontra kadagiti content creator ken netizens a nagiwaras iti peke a damag a gappuanan ti pannaka-depress ni Ivan.
Ita nga aldaw ket maitabon iti Eternal Gardens Memorial Park, Caloocan City ti bangkay ni Ivan iti alas dos iti malem.
