--Ads--
Mabalin a saan nga agsublin iti Pilipinas ni dati a Presidente Rodrigo Duterte, segun iti pamiliana kalpasan nga i-confirm ti International Criminal Court dagiti kasona a crimes against humanity.
Segun ken ni Vice President Sara Duterte, saandan a makitkita ti posibilidad a makaawid pay ti amada ditoy pagilian.
Innayon ti bise presidente a maawaten ti amana nga idiay ti mabalinnan a pakatayan ken nadakamatna a saan a dumar-ay kadagiti hearing ti confirmation of charges.
Nagyaman ni Sara iti abogado ni Duterte a ni Nicholas Kaufman, ken iti sibubukel a defense team iti panagsagana ken panagtalekna nga awan ti ebidensia a mangpaneknek iti nagbasulan ti dati a presidente.
-- ADVERTISEMENT --
