Kayat ti pamilia Duterte a ditoy Pilipinas a matay ni dati a Pres. Rodrigo Duterte sakbay pay a malpas ti trial-na iti International Criminal Court (ICC).
Segun ken ni Vice President Sara Duterte, adda posibilidad a matay ti amana iti uneg iti pagbaludan, banag a pagpatpatanganda ti dati a presidente.
Inamin pay ti bise presidente a nangteden ti bilin ti dati a presidente no kas bilang a matayisuna iti ICC detention facility.
No pay kasta ket kas maysa a Pilipino ken maysa nga anak, kinuna ni VP Sara a kayatda a ditoy Pilipinas a matay ti dati a presidente.
Agbuteng pay ti pamilia nga amangan no matay iti uneg ti pagbaludan iti sabali a pagilian ti dati a presidente gapu iti kinalakay ken iti marikriknana a sakit iti kudil bayat a nakabalud.
Kiniddaw ni VP Sara iti ICC a padarasen ti proseso iti trial kontra iti amana nga agdama ita a naka-detain.
