--Ads--
Respetaren ti pamilia dagiti biktima ti extrajudicial killings ti decision ti International Criminal Court a palubosan a saan a dumar-ay ni dati a Presidente Rodrigo Duterte iti confirmation of charges hearing a mangrugi inton Lunes.
Segun ken ni Jane Lee, asawa ti EJK victim a ni Michael Lee, uray no nasakit kadakuada ket pagyamananda latta a matuloy ti panagdengngeg.
Innayon ni Lee a karbengan ni Duterte ti saan a dumar-ay ngem kunada a sapay koma ta maawatanda met ida kas pamilia dagiti biktima.
Agkaykaysa a bantayan dagiti pamilia dagiti biktima ti panagdengngeg tapno ipakita ti suportada iti tunggal maysa, agraman dagiti nadumaduma a human rights groups ken advocates.
-- ADVERTISEMENT --
