VIGAN CITY – Nagun-od ni Samantha Louise De Vera ti gold medal iti biang ti Pencak Silat iti Artistic Tungal category bayat ti 2024 R1AA Pencak Silat Girls idiay Ilocos Norte.
Iti pannaki-uman ti Bombo Radyo Vigan ken ni De Vera a mangibagi ti siudad ti Vigan, nupay nagdanag latta para ti performance na ket tinibkeranna ti nakemna ta kalikagumna a maala ti gold medal ket pinanunotna ti kapadasanna idi kallabes.
Segun ken ni De Vera, 2019 idi nag-gold medal idiay Ilagan City, Isabela ti pencak silat ken nakadanon pay idiay Palawan ta imbagina iti siudad iti naisayangkat a Batang Pinoy 2019.
Inspirasyon ni De Vera ti rigat ti nagannakna ken nagbalin a gamengna ti napalaus a panangsuportarda kenkuana iti sports-na.
Nupay kasta ket manamnama ti panagay-ayamda manen ita nga aldaw para ti sparring.
AUDIO – SAMANTHA LOUISE DE VERA
