VIGAN CITY – Nakoronaan kas Miss Universe Philippines 2024 ni Chelsea Manalo a nangibagi iti Bulacan.
Saanen a baro ti pannakipageant iti agtawen iti duapulo ket dua a Filipino-American manipod Meycauayan, Bulacan ta simmali pay ti Miss World Philippines ket nakadanon iti Top 15 finalists.
Ti Bulakenya beauty ket mapapati nga isu ti kaunaan a Filipino-African American a mangirepresentar iti pagilian iti Miss Universe.
Iti question and answer segment ket nasaludsod kenkuana ti nu kasanona nga aramaten ti kinapintas ken confident-na tapno ma-empower iti sabali, ket kastoy man ti nagbalin a sungbatna.
Kabayatanna, 1st runner up ni Stacey Daniella Gabriel manipod Cainta; 2nd runner up ni Ma. Ahtisa Manalo manipod Quezon Province; 3rd runner up ni Tarah Valencia manipod Baguio; ken 4th runner up ni Christi MacGarry manipod Taguig.
Kalpasan ti pannakakorona ti Miss Universe Philippines 2024 ket nainaganan dagiti uppat a Filipina beauty a mangirepresentar iti international pageants.
Ibagi iti pagilian ni Tarah Valencia manipod Baguio para ti Miss Supranational Philippines 2025 idinto a nainaganan nu Cyrille Payumo manipod Pampanga a Miss Charm Philippines 2025.
Ti met pambato iti Iloilo a ni Alexie Mae Brooks ket Miss Eco International Philippines 2024 ken ti pambato ti Quezon Province a ni Ahtisa Manalo ket nakoronaan kas Miss Cosmo Philippines 2024.
