VIGAN CITY – Maysa a caliber 38 revolver nga adda markana, duapulo a piraso iti live ammunitions ti caliber 38 ken maysa a piraso iti live ammunition ti caliber 45 ti naala iti uneg ti pagtaengan ni Taison Devad Abad, agtawen iti duapulo ket lima, construction worker a taga-Brgy. Apatot, San Esteban babaen ti naiwayat a search warrant operation.
Iti pannaki-uman ti Bombo Radyo Vigan ken ni P/Cpl. John Bryan Dollente, imbestigador iti nasao a kaso, pinaglibakan ti suspek nga adda nabayagen nga ikotna a paltog nga us-usarenna pay a pangsalwad iti bagina no mapanna kitaen dagiti inwaywayna a kalding.
Nupay kasta, ti suspek ken dagiti naala kenkuana a kontrabando ket addan iti kustodia ti San Esteban Police Station para iti pannakaidalanna iti husto a proseso.
Nausar ti dua nga Alternative Recording Device para ti pannakaiwayat ti operasyon.
