VIGAN CITY – Maysa a caliber 38 revolver wenno homemade paltik nga awan marka ken serial number-na ti boluntaryo nga insuko ni Barangay Kagawad Randy Quiñola, agtawen iti limapulo a taga-Barangay Fuerte, Caoayan.
Adda iti barangay hall ti nasao a barangay kagawad ken dagiti barangay official idin ta adda immasideg a kalugaranna a nangisuko iti maysa a paltog a nabungon iti plastic bag.
Nupay kasta, addan iti kustodia ti Caoayan Police Station ti naisuko a paltog para ti proper disposition.
Caliber 22 homemade revolver nga awanan marka ken serial number ti insuko met ni Barangay Captain Ben Jaurigue, agtawen iti tallopulo ket innem a taga-Zone 6, Bantay.
Indeposito ni Jonalyn Orio, agtawen iti tallopulo ket walo, manager ti Jaja Hotel a taga-Bulag West, Bantay ti maysa a caliber 12 gauge shotgun pakairamanan ti maysa a caliber 45 pistol nga agpada nga adda marka ken serial number-na idinto a maysa a homemade firearm 5.56 handgun nga adda markana ti impaima met ni Barangay Kagawad Manuel Ravilas, agtawen iti limapulo ket lima a taga-Ora West, Bantay kadagiti pannakabagi ti linteg. Dagiti paltog ket impaima dagiti saanen a nagpabigbig a kalugaranda babaen ti massive campaign ken information dissemination kontra ti loose firearms iti barangayda.
