Naisayangkat ti Launching iti Paleng-QR PH iti ili ti Bantay itay bigat.
Iti pannaki-uman ti Bombo Radyo Vigan ken ni William Padre a Business Permit Licensing Officer iti Bantay, ti proyekto ket babaen iti Bangko Sentral ng Pilipinas (BSP) ken Department of Trade and Industry (DTI) nga in-adopt iti Sangguniang Bayan iti Bantay babaen iti naiyetnag nga ordinansa.
Segun ken ni Padre, ti programa ket dakkel a tulong para kadagiti agtagilako iti tiendaan, transport operators ken amin a business establishment.
Inlawlawagna pay a pagsayaatan pay para kadagiti aggatang ti nasao nga addang ta no kas bilang saan a nakaitugot iti kuarta ket no adda laketdi iti karga iti e-wallet ket mabakin nga isu iti pagbayad.
Impasiguradona a natalged iti nasao nga addang ta QR code laengen iti masapul nga i-scan tapno agbayad.
