--Ads--
Pinasingkedan ti maysa a Katoliko a padi a dagiti palaspas ket saan a dekorasyon, pangarkus, wenno pangkontra kadagiti dakes nga Espiritu, no di ket palagip kadagiti agpammati iti panangawatda ken ni Hesukristo iti biagda.
Segun ken ni Fr. Jerome Secillano, spokesperson ti Roman Catholic Archdiocese of Manila, ita nga aldaw, Abril 13 ket rambakan dagiti Katoliko ti Dominggo Ramos, rugi ti Semana ken ti panagtutuok ni Hesus.
Ipamatmatna pay ti kinagagar ken panangawat ken ni Hesus iti puso ken pagtaengan, kasta payen ti panagtalinaed iti pammati Kenkuana agingga iti kamaudianan.
Innayonna a ti pannakabendisyon dagiti palaspas ket maar-aramid tapno lagipen ti iseserrek ni Hesus iti Jerusalem a pinasangbayan dagiti tattao babaen kadagiti palma.
-- ADVERTISEMENT --
