Impasan ni Palace Press Undersecretary Atty. Claire Castro ti courtesy resignation-na kas panangsurot ti bilin ni Presidential Communications Office (PCO) Acting Secretary Dave Gomez.
Segun ken ni Castro, karaman isuna kadagiti opisyal a rumbeng nga agipasa kasaruno ti tradisyonal a proseso tunggal adda mangidaulo iti maysa nga ahensya.
Itay laeng bigat ket imbilin ni Gomez iti panagipasa ti unqualified courtesy resignation iti amin a nangato nga opisyal iti gobierno pakairamanan dagiti agdama nga undersecretary, assistant secretaries, directors iti PCO-Central Office ken dagiti hepe ken dadduma pay a Presidential appointees iti attached agencies.
Ti addang ket tapno maikkan ti gundaway ni Gomez a naurnos a ma-reorganize iti team ken makapili kadagiti tattao nga ammona a mayannatup iti implementasyon ti communication agenda iti administrasyon.
