VIGAN CITY – Maysa a unit ti G Pad 7.0 Note pad nga aggatad ti sangapulo ket lima ribo a pisos ken sangapulo ket innem a paris iti stainless a kutsara ken tinidor nga aggatad ti lima ribo a pisos iti intaray dagiti saan pay nabigbig a suspek iti uneg ti maysa a pagtaengan idiay Brgy. Callaguip, Caoayan.
Ti nasao a pagtaengan ket kukua ni Bessie Quitevis nga agtawen ti lima pulo ket maysa.
Segun kenni Police Cpt. Henry Garcia, hepe ti Caoayan Municipal Police Station, nagreport kadakuada ni Quitevis a naserrek iti pagtaengan da ket intaray dagiti saan pay nabigbig a suspek dagiti nasao nga alikamen.
Nadakamat ni Garcia nga adda ti CCTV a nakaimuntar iti nasao a pagtaengan ket naala iti napasamak a panagtakawan ken uray ti suspek nga isu iti kitkitaen da a naimbag iti agdama.
