VIGAN CITY – Dua pulo ket walo ribo dua gasut a pisos ken relo nga aggatad ti sangagasut a ribo a pisos iti innala dagiti saan pay nabigbig nga agtatakaw iti uneg iti pagtaengan da Olivia Balmaceda nga agtawen ti innem a pulo ket uppat, naasawaan, negosyante ken agnaed idiay Balidbid, Salcedo.
Alas syete y media idi agsapa idi October 6 idi nagreport ti biktima iti Salcedo municipal police station ket inpaka-ammo na a natakawan iti pagtaengan da.
Maibasar iti inisyal a panagsukimat dagiti otoridad, naturog ti biktima iti maikadua a kadsaaran iti pagtaengan da ket idi nakariing, nadlaw na a napursaran a nalukatan iti sliding door da ken dagiti bag ken pouch na a nakaikabil iti uneg ti pagtagilakoan na ket nagkaiwara ken awanen iti nasao a gatad ken ti relo na.
Ti agdama, manarimaan pay laeng iti naun-uneg nga imbestigasyon dagiti otoridad inaig iti nasao a pasamak tapnu maduktalan nu siasino dagiti agtatakaw a nangserrek iti pagtaengan ti biktima.
