Nauram iti two-story a pagtaengan a kukua ti maysa a senior citizen a babai idiay Barangay Lira, San Juan.
Ti pagtaengan ket kukua ni Maxxima Eliba Viloria, agtawen iti innem a pulo, balo nga agnaed iti nasao a lugar.
Nakaawat ti San Juan Municipal Police Station ti report maipanggep ti pannaka-uram ti maysa a pagtaengan isu a nagrespondeda.
Babaen kadagiti kameng ti Bureau of Fire Protection – San Juan ket nadepdep iti apoy ket naliklikan a nairaman dagiti kaasidegna a pagtaengan.
Naduktalan a ti nasao a pagtaengan ket naaramid laengiti light materials isu a napaspas a nagkayamkam iti uram.
Nupay kasta, agtultuloy iti imbestigasyon dagiti otoridad tapno maammoan nu ania iti nagtaudan ti nasao nga uram ken nu mano ti gatad iti nadadael a paset ti pagtaengan.
Kabayatanna, awan iti naireport a casualty wenno nadunor iti nasao nga insidente.
