VIGAN CITY – Pakabuklan a pito pulo ket uppat a ribo a pisos iti gatad iti natakaw iti pagtaengan ni Felinor Sajonia, agtawen innem a pulo ket pito, naasawaan, pastor nga agnaed idiay Baringcucurong, Suyo.
Adda dagiti dagiti saan pay nabigbig a suspek a simrek iti pagtaengan ti biktima ta napursaran a nalukatan iti arwangan iti garahe iti pagtaengan na nga isu iti mapapati a rimuwaran ken simrekan dagiti suspek.
Naala dagiti suspek ti maysa a laptop nga aggtad sangapulo ket siyam a ribo a pisos (PHP 19, 000), maysa a Cellphone nga aggatad ti sangapulo ket walo a ribo a pisos (PHP 8, 000), naduma-duma nga alahas nga aggatad lima ribo a pisos (PHP 5, 000) ken maysa a brown wallet a naglaon iti naduma-duma nga ID ni Sajonia ken adda karga na a walo ribo a pisos a kwarta (PHP 8,000).
Malaksid iti dayta, adda pay ti dua a shoulder bag a kukua ni Dolores Sajonia nga adda kwartana a dua pulo a ribo a pisos ( PHP 20, 000) a mapukpukaw a mapapati nga innala dagiti simrek a nagtakaw iti pagtaengan ti biktima.
Agsipud iti dayta, manarimaan pay laeng iti imbestigasyon dagiti otoridad inaig iti nasao a pasamak.
