VIGAN CITY – Agtultuloy iti imbestigasyon iti napasamak a panagtakawan iti maysa a pagtaengan idiay Brgy. Baliw, Sinait, Ilocos Sur.
Nabigbig ti biktima ket ni Jayson Inofnada Ilar, agtawen ti tallopulo ket siam, addaan ti live-in partner, negosyante nga agnaed iti nasao a barangay.
Iti pannaki-uman ti Bombo Radyo Vigan ken ni PMaj. Franco Catalan iti Sinait Municipal Police Station, nakariing ni Ilar iti alas syete iti bigat itattay idi napansinna a nakalukat ti ruangan ti likod ken sango ti pagtaenganda ken nakitana a nakalukat ti plastic durabox a nakaipan iti kuartoda ket natakuatanna a mapukpukawen ti IPhone nga aggatad ti nasurok kumurang P40,000; Oppo a cellphone nga aggatad iti nasurok-kumurang P10,000, laptop nga aggatad iti nasurok-kumurang P50,000 ken nasurok-kumurang P20,000 a kuarta ken maysa a brown Louis Vuitton bag nga addaan ti LTOPF ID, Firearms License ID, maysa a magazine cal 9mm ken driver’s license.
Segun ken ni Catalan, mapapati a sumsumrek ti suspek iti pagtaengan ti biktima ta arigna ammona iti napnapananna isu a maimimbestigaran dagiti posible nga akin-aramid.
VOICE OF PMAJ. FRANCO CATALAN 1
Gapu ti pasamak ket nagpalagip manen ni Catalan kadagiti agindeg iti nasao nga ili nga agannadda ken nasaysayaat nu maaramidan ti double lock dagiti arwanganda ken mangipan laengen ti CCTV kadagiti pagtaenganda.
VOICE OF PMAJ. FRANCO CATALAN 2
