VIGAN CITY – Naubor iti pagtaengan ni Romel Viaje Reyes, agtawen iti uppat a pulo ket dua, naasawaan, kandidato iti kinakapitan para inton Barangay ken Sangguniang Kabataan election, nga agnaed idiay Barangay Pudoc, San Vicente.
Iti pannaki-uman ti Bombo Radyo Vigan ken ni PCapt. Pedro Halover iti San Vicente Municipal Police Station, impakaammo ni Reyes iti mapapati a pannakaubor iti sarming a tawa iti pagtaenganna babaen ti saan a nabigbig a suspek.
Segun ken ni Halover, awan iti nadangran iti nasao a pasamak ta awan ti tao idi naubor iti pagtaengan ngem apaman a nakasangpet dagiti bumalay ket nakitada iti napittak a tawa ken nasarakanda ti maysa a bato a mapapati a naaramat iti panagubor.
Iti agdama, agtultuloy latta iti imbestigasyon inaig iti nasao a pasamak nu posible nga adda kainaigan iti eleksyon.
VOICE OF PCAPT. PEDRO HALOVER
