VIGAN CITY– Dakkel ti posibilidad na a nagapu laeng iti asideg ti suspek a nagtakaw iti uneg ti pagtaengan da atty. Christopher Habab, agtawen ti 43, naasawaan, prosecutor ken taga Barangay Catayagan , Sta. Lucia ket maiyur-uray laengen ti kopya ti CCTV tapno mabigbig ti suspek.
Segun kenni PS/Insp. Robert Valiente, hepe ti Sta. Lucia Municipal Police Station, addan ti pamalpalatpatanna ti imbestigasyon iti nasao a panagtakawan ngem saan da pay a mabalin nga ibuksilan iti publiko.
Maibasar iti inisyal a report, nakariing ti biktima iti parbangon ta usaren na kuma ti laptop na nga aggatad ti P60,000 nga inparabaw na iti lamisaan iti abay ti katre da idi naduktalan nga awanen ,pakairamanan ti cellphone na nga aggatad ti P800, dwa a rubber shoes nga aggatad ti P8,000 ken kuarta nga aggatad ti P1000.
Mapapati a simrek ken rimuar ti suspek ti pagtaengan da Atty. Habab babaen iti panangdadael na ti lock ti sliding window
