--Ads--
Sinerrek dagiti agtatakaw ti pagtaengan ni Dallas Mavericks star Luka Doncic.
Segun iti kapulisan ti Dallas, umabot iti nasurok $30,000 a gatad ti alahas wenno katukad iti P1.6 milion ti naitaray dagiti agtatakaw.
Pinasingkedan ti business manager a ni Lara Beth Seager nga awan tao iti pagtaengan ti Mavs star idi napasamak ti panagtakawan.
Ni Doncic ti naudi nga atleta a nabiktima dagiti agtatakaw ta idi Oktubre ket nastrek met laeng ti pagtaengan ni Kansas City Chiefs quarterback Patrick Mahomes ken tight end Travis Kelce.
-- ADVERTISEMENT --
