--Ads--
Maysa a pagtaengan ti nauram idiay Barangay Rizal, Tagudin, Ilocos Sur.
Nabigbig ti akinkukua a ni Bienvenido Bravo Mina, agtawen iti pitopulo ket pito, agnaed iti nasao a lugar.
Nakaawat ti Tagudin Police Station mainaig iti uram iti nasao a lugar isu a dagus a nagrespondeda.
Naaramid iti highly combustible light materials ti pagtaengan isu a nadaras ti panagkayamkamna iti kaasidegna nga establisimiento a kukua ni Arvin Jacinto Lucena manipud Barangay Magsaysay.
-- ADVERTISEMENT --
Nadepdep ti uram iti alas dos kwarenta y dos iti parbangon, babaen ken ni Fire Officer 3 Dick Israel Lamadrid Severino.
Madukduktalan pay laeng no ania ti rason ti uram.
