VIGAN CITY – Pinasingkedan ni Governor Jerry Singson nga awan ti kinaagpayso iti agwarwaras a damag inaig iti pagkurangan ti ambulansya ken gasolina iti probinsia.
Iti pannaki-papatang ken ni Gov. Singson, awan iti kinapudno dagiti maipadpadamag ta ammo dagiti agindeg nu ania iti kinapudno a mapasamak ti probinsia ken isuda laeng iti makapaneknek iti nasao a banag.
Segun ken ni Singson, daydayawen pay ni Health Secretary Ted Herbosa idi bimmisita iti probinsia iti Ilocos Sur Provincial Hospital Gabriela Silang gapu ti adu nga agas, ambulansya ken nadalus iti pasilidad.
Inyunay-unayna a ti ipangpangruna iti administrasyonna ket iti kinasalun-at dagiti umili iti probinsia ta isuda iti makatulong para iti panagregta iti ekonomia.
VOICE OF GOVERNOR JERRY SINGSON
