VIGAN CITY – Addan dagiti maiparit nga ay-ayamen dagiti umili kagiddan iti panaglukat ti karnabalan iti panagpiesta iti ili ti Sta. Catalina, Ilocos Sur.
Iti pannaki-uman ti Bombo Radyo Vigan ken ni Remigio “Reming” Vicencio Jr., maipariten dagiti ay-ayam a kas ti drop ball, ABC, color games wenno aniaman a kasla sugal kas nakailanad iti paglintegan wenno ti Presidential Decree 1602.
Segun ken ni Vicencio, nagtalinaed a maipalubos iti running lights ket adu ti napanen nga umili iti dua a rabii a panag-operate-da.
Pinasingkedanna pay a dagiti rides a mabalin a pakipasetan ket isu ti ferris wheel, freeze bee, carousel, horror train ken octopus.
Gapu iti ngimmina a presyo ti produkto petrolyo ket ngimmina ti bayad iti rides ta iti agdama ket P50 ti carousel para kadagiti ubbing idinto a ti nataengan ket P60-70 idinto a ti ferris wheel ket P50.
VOICE OF REMIGIO VICENCIO JR.
