--Ads--
Ti laeng pagilian nga asideg idiay The Hague, Netherlands ti mabalin a mangawat ken ni dati a Presidente Rodrigo Duterte no palubosan ti International Criminal Court ti interim release-na.
Segun ken ni ICC-accredited lawyer Joel Ruiz Butuyan, masapul a ti pagilian a mangawat ken ni Duterte ket miembro ti ICC ken sumursurot kadagiti pagannurotan.
Kasaruno dayta iti panangkiddaw ti kampo ni Duterte a temporaryo a mawaya-wayaan para iti maysa a saanen a nainaganan a pagilian, a mapapati nga immanamong a mangawat kenkuana, segun iti abogadona a ni Nicholas Kaufman.
Karaman kadagiti kondisyon ti saan a pannakikinnammayet ni Duterte iti asino man malaksid iti pamiliana, ken ti pannakaiparitna nga agusar iti internet ken cellphone.
-- ADVERTISEMENT --
