Binalakadan ti Philippine Atmospheric Geophysical and Astronomical Services Administration ti publiko a liklikan ti ag-hoard wenno ag stock ti adu unay a bottled water gapu ta mabalin a maka apekto daytoy iti supply ti danum kabayatan ti mapaspasungadan a Super El Niño.
Segun iti PAGASA, mabalin nga agpaot ti El Niño agingga March wenno July 2027, ket manamnama nga adu a probinsia ti makapadas iti nakaro a pudot ti panawen, nakurang a tudo ken tikag.
Kabayatanna, impasigurado ti DTI nga umdas pay laeng ti supply ti bottled water kadagiti pagtagilakwan.
Segun met iti Climate Change Commission, mabalin nga umabot iti 45 agingga ti 50 Degrees Celsius ti heat index iti sumagmamano a lugar ti pagilian, bayat a 75 percent ti posibilidadna a mas nakarkaro ti El Niño ita nga 2026 kumpara iti napalpalabas a tikag.
