VIGAN CITY – Impasigurado ti Philippine Atmospheric, Geophysical, and Astronomical Services Administration (PAGASA) ti nasapsapa a panangiteda ti pakdaar tapno makapagsagana ti publiko ken ti gobierno kontra iti pangta ti La Niña phenomenon.
Segun kenni PAGASA Climate monitoring and prediction section Chief Ana Liza Solis, posible a mariknan ti epekto ti La Nina iti 3rd quarter ti agdama a tawen kagiddan iti isasangpet dagiti bagyo.
Bayat nga inton agtapos ti Mayo agingga katengngaan ti Hunyo ket mangrugin ti panagtutudo.
Innayon ni Solis a partikular a tutukanda dagiti low lying areas a prone iti layos.
Iti agdama ket localized thunderstoms paylaeng ti ad-adda a makaapektar iti dadduma a paset ti pagilian ken agtultuloy a marikna ken mairekord ti nangangato a heat index dagiti kailian.
