Awan pay laeng iti pagannurotan nga inyetnag ti national government a masurot para iti pannakaipatungpal iti General Community Quarantine.
Segun kenni Governor Ryan Luis Singson, masurot pay laeng iti balakad iti gobierno iti panagtultuloy iti curfew hour manipod iti alas otso iti rabii agingga iti alas singko iti bigat.
Pinasingkedan pay ni Gov. Singson a prayoridad itatta a gundaway a mapalubussan a sumrek dagiti distressed worker ken agad-adal a na-stranded kadagiti naduma-duma a probinsia.
No maipapan met iti liquor ban ket adda metten kadagiti Mayor iti kada ili no ania iti desisyon da ngem inyunay-unay ti gobernador a saan nga abusoen ti umili no man bilang a mapalubusan iti lugarda iti panaggatang iti arak tapno saanen a maipainget iti quarantine.
Kabayatanna, manamnama inton bigat iti pannakisarita ni Gov. Ryan ti baro a Provincial Director Col. Roland Tagao para iti masapol a maaramid ket namanmaenna met iti suportana para iti probinsia.
