Indatag ti Kongreso ti panagsagana ken dagiti pagannurotan para iti maika-lima nga State of the Nation Address (SONA) ni Pres. Ferdinand Marcos Jr. inton Hulyo 27.
Karaman dayta iti nainget a seguridad, dress code ken dagiti pagannurotan iti panagserrek dagiti naimbitaran a dumar-ay.
Iti advisory ti House of Representatives, strictly by invitation ti panagdar-ay ti Joint Session iti maika-duapulo a Kongreso a pagsaritaan ni Marcos iti alas kuatro iti malem iti Plenary Hall iti Kamara.
Nailawlawag pay a non-transferable dagiti invitation card ken kasapulan nga agipakita ti seat card iti tunggal dumar-ay sakbay a makastrek iti Plenary Hall, ken nainget a maipatungpal ti assigned seating wenno reserved seating.
Nabalakadan dagiti bisita a sumangpet sakbay iti alas dos iti malem tapno maikkan ti umdas nga oras para ti security verification ken makatugaw iti naituding a puesto.
