VIGAN CITY – Nangiparuaren ti ili a San Emilio ti Executive Order No 13 a nakaipalaonan dagiti pagannurotan para kadagiti sumrek ken rumuar iti ili nga epektibon ti pannakaipatungpalna idi kalman ken agpaot agingga May 31.
Maiparit dagiti sports activities, returning residents ken LSI, billiard halls ken videoke bars, riders ken bikers, aginom ken agilako iti arak kasta payen dagiti tricycle vendors ken dadduma a peddlers.
Malimitaran ti mass gathering iti 30 percent capacity ken 10 percent kadagiti barangay nga adda positibo a kasoda ken dagiti outdoor exercise kas ti panagpagna, jogging, panagtaray, ken panagbisikleta idinto a 50 percent para kadagiti pampubliko a transportasyon.
Mapalubosan dagiti Clergy, Minister, Pastor a negatibo iti antigen test result, dagiti inbound visitors wenno indibidwal manipud Ilocos Sur ket masapulda ti mangiparang iti pass slip ken maipalubos met laeng dagiti public construction projects ken couriers.
Dua agingga tallo nga aldaw laeng ti nailatang a panagminata ken padi wenno pastor laeng ti mapalubosan nga umay mangkita iti minatay idinto nga 8pm-5am ti curfew hours
Adda checkpoint iti entrance ken exit ti tunggal barangay ken masapul nga adda pass slip dagiti rumuar idinto a dagiti met sumrek nga aggapu iti sabali nga ili nga addaan iti positibo a kaso ket masapul nga adda pass slip da manipud iti Barangay Quarantine Officer sakbay a sumrekda.
