VIGAN CITY – Inlawlawag ni Civil Service Commission Regional Director Jiggs Lardizabal a ti immuna a naipakaammo inaig iti panagrefund dagiti nangifile ti exam na iti Civil Service ti CSC ket advance information laeng ta addanto iti aktwal a pannakairefund na.
Iti pannaki-uman ti Bombo Radyo ken ni Ladizabal, ti nasao nga addang ket tapno masigurado nga awan iti problema iti pagiwarasan ken tapno maliklikan ti posible a pagtaudan ti panagado ti kaso ti covid19.
Maipakaaammonto met laeng iti publiko ti panag-refund para kadagiti nagifile iti March 15 examination ti CSC.
Maala ti refund babaen iti personal, online ken remittance wenno adda mabilin nga authorized representative ngem depende no anianto ti pormal a palubusanda.
Pinasingkedan ti opisial nga agingga laeng iti agtapos ti tawen ti panangalda kadagiti refund ta no saanen a maala ket maforefeit.
