--Ads--
Pinagtalinaed ti PAG-IBIG Fund ti nababa a housing loan interest rates ken ti P10-million maximum loan ceiling tapno ad-adu a Pilipino ti maaddaan iti nalaka a pabalay.
Mabalin latta a mabenepisiaran dagiti kwalipikado a miembro iti 3percent subsidized rate para iti socialized housing, 4.5 percent para iti low-cost housing, ken 5.75 percent para kadagiti loan nga agingga P10 million.
Segun iti PAGIBIG, kinabaelanda daytoy nga ituloy gapu iti natibker a financial status ti ahensia, a nakairekord iti P90.24 billion savings ken P55.26 billion housing loans manipud Enero agingga Mayo ita a tawen.
