--Ads--
Umaboten iti P69.19 billion ti inruar a housing loans ti PAGIBIG Fund iti umuna nga innem a bulan ti 2026, nangatngato iti 15 percent no ikumpara iti napalabas a tawen.
Nairekord ti 23,051 a housing unit a napondoan, a naidaulwan ti panagdur-as ti socialized housing loan iti salinong ti Expanded Pambansang Pabahay para sa Pilipino Program (Expanded 4PH).
Nasurok doble ti ngimmatwan ti gatad ti socialized housing loans iti P6.7 billion, idinto a ngimmato iti 132 percent ti bilang dagiti napondoan a balay para kadagiti minimum wage ken low-income earners.
Agtultuloy met ti panangidiaya ti PAGIBIG iti nababa nga interest rates ken naingato ti maximum housing loan iti P10 million tapno ad-adu a Pilipino ti maaddaan iti bukod a pagtaengan.
-- ADVERTISEMENT --
