Posible nga agtultuloy agingga innem a bulan iti agdama a panagalburoto ti Bulkang Mayon kas pinasingkedan ti Philippine Institute of Volcanology and Seismology (Phivolcs).
Inladawan ni Phivolcs Director Teresito Bacolcol ti agdama nga aktibidad kas “quiet eruption” a mangir-iruar ti bulkan iti dapo ken gas ngem awan ti lava flow a naobserbaran.
Idi 2023, timpuar ti lava kalpasan ti sumagmamano nga aldaw ken umabot iti nasurok tallo a kilometro sakbay a nagsardeng iti aktibidad.
Iti agdama, 3,000 a residente iti adda iti uneg ti 6-kilometer permanent danger zone (PDZ) iti naibakwit ngem sumagmamano iti nagbati gapu iti pagbiaganda ken dadduma pay a rason.
Nagballaag dagiti otoridad kadagiti residente nga insigida nga agbakwit nu agtudo iti napigsa uray awan ti lahar advisory, gapu ta ti mudflows ket posible nga agayos kadagiti karayan a labes iti permanent danger zone.
