Pinasingkedan ti Philippine Air Force (PAF) nga agtultuloy iti panangtulongda kadagiti agduduma a government agencies a nangisayangkat ti relief missions kadagiti lugar nga apektado iti agsasaruno a weather disturbances a timmama idi kallabes ti pagilian.
Segun ken ni PAF Spokesperson Col. Ma. Christina Basco, babaen ti air assets, insayangkat ti PAF ti sustained airlift operations tapno maipatulod ti relief supplies kadagiti apektado nga umili.
Idi September 25 ket maysa a C-130 aircraft iti nangibiahe iti 1,000 family food packs idiay Basco, Batanes idinto a ti dua a “Black Hawk” helicopters ket nagilugan iti walogasut a karton iti essential goods idiay Calayan Island.
Idi September 27, impatulod ti PAF iti limagasut a karton iti relief items nga impaay ti Department of Social Welfare and Development (DSWD) manipod Lal-lo, Cagayan agingga Babuyan Islands.
