Nainominar ti Paduquit River iti Department of Environment and Natural Resources Regional Office 1 kas entry ti Provincial Environment and Natural Resources Office – Ilocos Sur para iti prestihioso a R.I.V.E.Rs for Life Award search.
Iti pannaki-uman ti Bombo Radyo Vigan ken ni Jojo Cadago, Municipal Environment and Natural Resources Officer iti Sigay, ti pannakapili kas nominee ti Paduquit River ket gapu iti napintas a buyana ken ti agtaltalinaed a kinadalusna babaen iti panagtitinnulong dagiti barangay official ken dagiti agindeg a linawas a mapan agdalus kadagiti kanal, river banks ken dadduma pay a danum.
Ti Paduquit River ket masarakan iti ili ti Sigay, maysa a Class C River a kumamang pay iti barangay Poblacion, San Ramon, San Elias, Abaccan, Matallucod ken Sto. Rosario pakairamanan dagiti dadduma a barangay iti ili ti Cervantes ken Suyo.
Ti nasao a karayan ket isu ti kangrunaan a paggapgapuan ti irgasyon iti barangay a masakupanna.
