Kwinestion ni Senator-Judge Robin Padilla no apay a pagbalbalinen nga isyu ti panagturong idiay China ni Davao City Assessor Jaime Adalin, nga umuna a testigo ti depensa iti impeachment trial ni Vice President Sara Duterte.
Segun ken ni Padilla, mano a daras pay a napan isuna idiay China, agraman ti maysa a gundaway a nakaduana ni dati a Presidente Rodrigo Duterte.
Inlawlawag met ni House prosecutor Atty. Terry Ridon a paset iti panangkita iti kredibilidad ti maysa a testigo ti panangsaludsod maipanggep kadagiti biahena, isu a napateg a malawlawagan ti nasao a patangan.
Maipalagip a nagbalin a sentro iti panagsaludsod dagiti senator-judge dagiti biahe ni Adalin idiay China kalpasan a saanna a malagip dagiti sumagmamano a detalye iti panagbiahena.
