Pacquiao, isagsagananan ti kaso a cyberlibel kontra ken ni Mangusin

Desidido ni Manny Pacquiao a mangipila ti kaso a cyber libel ti vlogger a ni Norman Mangusin wenno Francis Leo Marcos.

Dayta ket kalpasan ti panangdillaw ni Mangusin iti Pinoy boxing icon ken ti inana a ni Mommy Dionesia.

Segun ken ni Pacquiao, ad-adalenen iti abogadona iti nasao a patangan.

Posible nga agingga inton sumaruno a lawas ket maipila iti nasao a kaso.

Inlawlawag ni Pacquaio nga awan ti personal a sakit ti nakemna ken ni Mangusin ngem napateg a sungbatanna iti nasao a pammabasol.