Impanamnama ti owner ti PABILI Food Delivery Express nga adda nguminaan ti delivery fee kadagiti deliveranda a customer.
Dayta ket kagiddan ti manamnama a panagpangina ti presio ti produkto-petrolyo gapu iti mapaspasaran a riribuk iti Middle East.
Iti pannaki-uman ti Bombo Radyo Vigan ken ni Javz Torres, manipud iti P60 a dati a delivery fee iti Metro Vigan area ket posible a manayonan iti P5-P10 mangrugi ita nga aldaw.
Inlawlawagna a ti panagpanginada iti singir ti delivery fee ket kasapulan tapno saan a kakaasi dagiti delivery rider, nangruna ta nabara pay ti paniempo ken kaadda ti traffic.
Epektibo ti delivery fee increase mangrugi iti alas otso iti agsapa ken sakbay a rumabii ta no iti rabiin ket ti latta dati a fee ti masingir agsipud ta awan unayen ti pakataktakan iti kalsada kas koma ti traffic.
Nupay kasta, kunana nga isublidanto met laeng ti dati a delivery fee no lumakanto ti presio ti gasolina.
