VIGAN CITY – Napalaus iti panagyaman ni PMaj. Juan Jhay-ar Maggay, OIC iti Bantay Police Station kadagiti tumultulong iti proyekto da nga adda tema na a “Bagong Pabahay para sa Bagong Buhay”.
Iti pannaki-uman ti Bombo Radyo Vigan ken ni Maggay, indanonna iti panagyamanna ti Local Government Unit iti ili ti Bantay babaen ti panangidaulo ni Mayor Samuel “Sammy” Parilla, community ken volunteers , Dur-as Bantay Riders, Bantay KKDAT ken Stakeholders gapu iti kalkalpasa a pannakaipaay ti nasao a programa ken ni Norberto Ramos manipod Brgy. San Mariano iti nasao nga ili nga isun iti maikapat a benepisyaryo.
Segun ken ni Maggay, ti programa nga ipapatungpalda ket nakaisalinong iti E.O. no. 70 “End Local Communist Armed Conflict “ aligned to BARANGAYanihan, Community Service Oriented Policing System, PD’s Triple IMPACT Strategy (Performance, Passion, Programs), Bantay MPS Project RAKs (Random Acts of Kindness) and Project SANIB-PWERSA.
Inlawlawagna a kitkitaenda a nalaing ti kwalipikado ti programa ta rumbeng a senior citizen, indigent wenno Persons with Disabilities (PWD) nga isu iti kasapulan a matulongan.
Innayonna, nga itultuloyda latta iti nasao a programa tapno ad-adu pay iti matulongan nga agindeg iti nasao nga ili.
