Inaprubaran ti Philippine Economic Zone Authority ti P97 billion a gatad ti renewable energy investment manipud iti 21 a solar manufacturing ken renewable energy project.
Manamnama a mangpataud daytoy iti nasurok 1,300 a trabaho para kadagiti Pilipino.
Segun ken ni PEZA Director General Tereso Panga, ipakpakitana daytoy ti talek dagiti investor iti sektor ti enerhia ti pagilian gapu iti suporta ti gobierno, dagiti insentibo, ken panagtitinnulong ti pribado ken pampubliko a sektor.
Agtultuloy met nga italtal-o ti PEZA ti panagaramat iti nadalus nga enerhia kadagiti economic zones babaen iti pannakitinnulongda iti nadumaduma nga organisasion ken kompania tapno maibaba ti gastos ti koriente, mapapigsa ti sustainability, ken pagbalinen a baro ken environment-friendly dagiti ecozone iti pagilian.
